كتبت الشعر بـ اسهام المحبة والحروف اقواس // ولكن خابت اهدافه وحارت باقي اوزانه .. تموت انفاس بـ اسبابه وبـ اسبابه تعيش أنفاس // غريبه منك يا شعري تصير النفس حيرانه
يسافر شعوري ما سألت المسافر وين ولا أدري وش اللي عن ذالاحساس يغنينا تمر الثواني للأسف كنها عامين رصيف الحقيقه لو بنرميه يرمينا هذاك المثل واضح بلخّصه في حرفين نعيب الزمن دايم وعيب الزمن فينا نصلي وندعي ما غمض للمصلي عين وننسى بلحظه ما دعينا وصلينا نشوف المسافة في زوايا القبر مترين ولا همّنا منكر خذيناه بإيدينا تشابه علينا للأسف زينها والشين وإذا هي على الفتوى ترى الشيخ يفتينا حدود الحقيقه لو نشوف الحقيقه زين الاقدار لو تاخذ من الحظ تعطينا ترى سهل جداً نلعب اليوم عالحبلين والاسهل بعد نضحك رغم كل ما فينا تروحين يالدنيا عن ارواحنا وتجين وقفنا على بابك ولو صادفت جينا ذبحنا العطش والبحر لو ينقسم بحرين بيبقى البحر مالح ولا أظن يروينا يا عين الملامه فكري قبل ما تقسين ترى لو زعلنا صعب هالحين ترضينا حدود الخطأ واضح وانا شايفك تخطين ترى مو عذر تخطين حتى لو اخطينا وش إللي يضرك لو عن أفعالنا تغفين أو إنك بليله طيب الأقوال تهدينا تبيعين في لحظه وفي ثانيه تشرين يكفّي يكفّي لا تبيعي وتشرينا ويوم أسرفت عيني بدمع الندم هالحين وحسيت بالدنيا تعاند وتشقينا توجّهت للقبله وأنا رافع الكفين طلبت الهدايه يا عسى الله يهدينا
يروح الفكر في لحظة وفي لحظة يجي ويروح نغمض عين للفرحه وعين الحزن لمّاحه يمثل وضعنا رسمه عجز لا يحتويها لوح بها وجه الزمان إللي تلاشت باقي أفراحه نضمد جرح ما يبرى ويبقى للجروح جروح جسدنا تربة (ن) خصبه لشوك الذل وإجراحه أشوف أهون من الذلّه على نفسي طلوع الروح لأن الموت في ظني عن أوضاع الزمن راحه هدمنا المجد بإيدينا بنينا للهوان صروح قسم بالله ما تستر ثياب الضعف ووشاحه صحيح الجرح ما يكفي معه قول الشعر والبوح عزاي إن الوجع هاجس وريح الذل فوّاحه كفوف الوقت تصفعنا ترى يا وقتنا مسموح تعودنا على صفعك وضيق العمر وأتراحه تعودنا نجي نسخط ونستنكر فعل مفضوح بعد ما كان للمسلم قرار بقوة سلاحه بكا الحاضر على الماضي ونكسات الزمان تنوح بعد ما صار حاضرنا يدوّر دم ذباحه متى يرجع لنا الماضي نجدد عزّنا بوضوح ويصبح ليلنا منور وذاك المجد مصباحه قهر نضحك على أنفسنا قهر نبقا بليا طموح قفلنا باب بإيدينا وضاع اليوم مفتاحه ضروف الشام والمقدس مع بغدادنا المذبوح تروح جروح تبقى جروح نار الموت قداحه نشوف الوضع متأزم وقدر الآدمي مطروح وقفنا بس نتفرج كما التمثال فالساحه ورغم أحوالنا هاذي قلبناها فرح ومزوح أشك بوضعنا هذا عدو الدين نجتاحه متى يظهر كما خالد وطيف ابن الوليد يلوح يرجع يوم ما كفّه على العاصين سدّاحه