سلام مني كامل الأشواقي
للي غلاها وسط قلبي فاقي
الغاليه إللي أمرنا ربي
نحبها وانطيعها ب/ اخلاقي
هاذيك ( نوره ) حيها من نوره
بنت الرجال إللي نسبها راقي
تحملتني بالحشا تسع أشهر
يوم إن ساقي ملتوي في ساقي
وتحملت همي بكل أحواله
في كل ليله تنتظر إشراقي
مهما بسوّي لجلها من طاعه
والله جزاها في حياتي باقي
تحت القدم شميت ريح الجنة
يالله عسها تنتشر ب أفاقي
هي العيون إللي تنوّر دربي
لها محبه ساكنه ب أعماقي
وهي الحبيبه والغلا والطيبه
تبكي عليّه لو يحين إفراقي
ويوم إن ربي زادني من فضله
وثّقت برّي نحوها بوثاقي
لا ني بمتجمل ولا متفاخر
هاذي رضاها من رضى الخلاقي
حتى الشعر لو بكتبه ما يكفي
لو تمتلي لعيونها أوراقي
به بيت شاعر يختصر أفكاري
ويوصف مشاعر كل حرفٍ ضاقي
الأم مدرْسةٌ إذا أعددتها)
أعددت شعباً طيب الأعراقي )
ليست هناك تعليقات:
إرسال تعليق